Overgeared - Chapter 151

အပိုင်း(၁၅၁) { စာစဉ် ၁၁ - အပိုင်း(၁)}

“ဟင်း...”

ရဲတိုက်၏ အတွင်းပိုင်းနေရာတစ်ခုတွင် ဖြစ်သည်။

ရီဂတ်စ်က စိတ်ဖိအားလျော့သွားသော အမူအရာဖြင့် သမ်းလိုက်၏။ သူ့တွင် လုပ်စရာအများကြီးရှိခဲ့သည့်အတွက် အဆက်အသွယ်အားလုံးကို ပိတ်ထားကာ ညလုံးပေါက်အလုပ်လုပ်နေခဲ့သည်။ သူက သူ့အလုပ်ခုံပေါ်မှာ ထိုင်နေပြီး စာရင်းစာအုပ်များကြည့်နေစဉ် ရန်သူများ ကျူးကျော်လာသည်ဟု ကြားလိုက်၍ ချက်ချင်းပြေးထွက်လာခဲ့သည်။

စဉ်းပင် မစဉ်းစားခဲ့ပေ။

“ငါမရှိလဲ သူတို့အဆင်ပြေကြမှာဘဲဟာ”

ယာတန်ကို ယုံကြည်သူများသည် လေ့ကျင့်ဖော်များအဖြစ်ပင် မသင့်တော်ချေ။ ထိုသို့ အတွေးဝင်လာပြီးနောက် ရဲတိုက်မှ အခန်းဆီသို့ ပြန်သွားနေစဉ် ကောင်းကင်ပေါ်မှ တစ်နေရာကို အာရုံရောက်သွားမိသည်။ ပြန်လည်ပိတ်နေပြီဖြစ်သည့် တယ်လီပို့ဂိတ်မှ နောက်ဆုံးအလင်းတန်းနှစ်ခု ကျဆင်းလာ၏။

“သူတို့က စွမ်းအားကြီးလောက်လား”

ရီဂတ်စ်၏ မျက်လုံးများ တောက်ပသွားကာ လှေကားပေါ်သို့ ပြေးတက်လိုက်ပြီးနောက် တံတိုင်းပေါ်သို့ ရောက်သွားသည်။ သူက တိုက်ပွဲမြေပြင်ကို လေ့လာပြီး အသင်းသားများကို အကူအညီပေးနေသည့် လေအယ်လာ နှင့် ဇက်နို့စ် တို့ကြား နေရာလွတ်ထဲသို့ ခုန်ဝင်လိုက်သည်။

“လူတွေအများကြီး ဒုက္ခရောက်နေကြတာဘဲ”

“အာ...”

“ဘာကြီးလဲ”

လေအယ်လာ၏ ပုခုံးများ တုန်ယင်သွားသည်။

“ဘာကြီးလဲ”

မှော်ပညာရှင်များသည် မှော်စွမ်းအားကို ထောက်လှမ်းနိုင်ကြ၏။ လေအယ်လာနှင့် ဇက်နို့စ်တို့အသိစိတ်တွင် အန္တရာယ်ဟု အချက်ပေးသံမြည်နေပြီး သူတို့တစ်ချိန်တည်း ပြန်ပြောလိုက်ကြသည်။

“မွန်းစတား”

“မွန်းစတားတစ်ကောင်”

ထိုအချိန်

ဝုန်း...

အလင်းတန်းနှစ်ခုက တိုက်ပွဲမြေပြင်အလယ်သို့ ကျလာကြသည်။ ထိုအချိန်တွင် စက်ဒခအစည်းအရုံးအပါအဝင် ဘိုင်ရန်ရွာရှိ ကစားသမားအားလုံးရှေ့တွင် အသိပေးစာတစ်ခုပေါ်လာသည်။

[ယာတန်ဘုရားကျောင်း၏ လေးယောက်မြောက်အစေခံ  နဘဲရီယပ်စ် ပေါ်လာပါသည်။]

[မှော်နက်စွမ်းအင်ပါသော ပုလွေသံက သင့်နားထဲသို့ စီးဝင်သွားပါသည်။] 

[ဟန်ချက်ပျက်သွားပြီး အာရုံစူးစိုက်မှု အားနည်းသွားသည်။] 

[ရှောင်တိမ်းနိုင်နှုန်းသည် 0% သို့ ကျသွားပါပြီ။ တိကျနှုန်းသည် 60% ကျသွားသည်။ မှော်ကို အသုံးပြုနိုင်နှုန်းသည် ယခင်ကထက် နှစ်ဆနှေးသွားသည်။] 

[ဤသက်ရောက်မှုများက ပုလွေသံရပ်တန့်သွားသည်အထိ ရှိနေပါမည်။]

[ရာတန်ဘုရားကျောင်း၏ ငါးယောက်မြောက်အစေခံ ဗာလက်ပေါ်လာသည်။] 

[သူသည် နတ်ဆိုးလမ်းစဉ်ကို ကျင့်ကြံသူတစ်ယောက်ဖြစ်ပြီး မီးကို ထိန်းချုပ်နိုင်သည်။ ဗာလက်နှင့် တစ်မီတာအကွာအဝေးသို့ သင် ရောက်သွားပါက တစ်စက္ကန့်တိုင်း မီးစွမ်းအင်ထိခိုက်မှု 500 ကို ရရှိပါမည်။]

[နတ်ဘုရားယာတန်၏ ထွက်သက်နှင့်တူသည့် နတ်ဆိုးမီးတောက်များ။ ယာတန်က ယုံကြည်သူအားလုံးကို ကောင်းချီးပေးလိုက်ပါပြီ။ ယာတန်ယုံကြည်သူများ၏ stat များ 50% တိုးလာသည်။]

“ဝိုး...”

ရီဂတ်စ်၏ မျက်လုံးများ တောက်ပသွားကာ လေးစားသွားသည့် အသံများ ထွက်လာသည်။

‘ငါ လေ့ကျင့်ရေးဆင်းတာရဲ့ ရလဒ်ကို ထုတ်ပြဖို့ အချိန်တန်ပြီ’

လွန်ခဲ့သည့် လများတုန်းက စက်ဒခအစည်းအရုံးမှာ အစေခံတစ်ဦးကိုပင် ရင်ဆိုင်နိုင်ခြင်း မရှိခဲ့ကြ။ သို့သော် ထိုအရာမှာ အတိတ်ဖြစ်သွားလေပြီ။ စက်ဒခအစည်းအရုံးက အခြားလူများထက် ပိုမိုမြန်ဆန်စွာ တိုးတက်လာနေ၏။ ယခု မာလကတ်စ်ထက် ပိုစွမ်းအားကြီးသော ရန်သူနှစ်ယောက်ပေါ်လာသည်ကိုပင် သူတို့နောက်တွန့်သွားခြင်း မရှိခဲ့ကြချေ။ ရီဂတ်စ်က ယုံကြည်ချက်အပြည့်ရှိနေသည်။ သို့သော် နံပါတ်တစ်လေမှော်ပညာရှင် ဇက်နို့စ်ကတော့ မတူပေ။

“ငါတို့ ဘိုင်ရန်ကို လက်လွှတ်လိုက်သင့်ပြီ။ ဝင်စတန်ကို သွားပြီး လေဒီအိုင်ရင်းဆီက တပ်ကူသွားတောင်းတာက အကောင်းဆုံးပဲ”

ပုလွေမှုတ်နေသည့် မီးခိုးရောင်ဆံပင်ရှိသည့် နဘဲရီယပ်စ်က ဇက်နို့စ်အဖို့ စိတ်တုန်လှုပ်စရာ ကောင်းလွန်းသည်။ မှော်ပညာရှင်နှင့် ရုပ်ပိုင်းဆိုင်ရာ တိုက်ခိုက်သည့် အမျိုးအစားအားလုံးကို တန်ပြန်နိုင်သည့် စွမ်းအားလျော့ချမှုများကြောင့် အနိုင်ယူနိုင်မည့် အခွင့်အရေးလုံးဝမတွေ့ပေ။

လိုင်အယ်လာက သူ့ကို အော်ပြောလိုက်၏။ “နောက်မှ ပြန်သိမ်းမယ် ဟုတ်လား။ ဇက်နို့စ်... သူတို့က ဒီနေရာကို သိမ်းပိုက်ဖို့ လာတယ်များ ထင်နေလား။ မဟုတ်ဘူး ဖျက်ဆီးဖို့သက်သက်ပဲ။ ငါတို့ ဒီနေရာကို စွန့်ပစ်လိုက်တာနဲ့ ဒီနေရာကြီးတစ်ခုလုံးက ဖုန်မှုန့်ဘဲ ကျန်ခဲ့တော့မှာ။ ငါတို့ နောက်ဆုတ်လို့မရဘူး။ ငါတို့ မနိုင်နိုင်အောင် တိုက်ယူမှ ရမယ်”

“အချိန်နဲ့ ပိုက်ဆံကုန်မယ်ဆိုပေမဲ့ ငါတို့ ဒီရွာကို ဘယ်အချိန်မဆို ပြန်တည်ထောင်လို့ ရတာဘဲလေ။ သေပြီးတော့ အတွေ့အကြုံပွိုင့်တွေ ပစ္စည်းတွေ ဆုံးရှုံးတာနဲ့ယှဉ်ရင် ဒါက ပိုမကောင်းဘူးလား”

“နင် ပြဿနာတစ်ခုကို မေ့နေပြီ။ ငါတို့ ရှုံးရင် NPC တွေအကုန်လုံး အသတ်ခံလိုက်ရမှာ”

ရွာတည်ထောင်ခြင်းလုပ်ငန်းစဉ်တွင် NPC များ တနည်းအားဖြင့် ဒေသခံနေထိုင်သူများ၏ အင်အားက အရေးကြီးသော ကဏ္ဍတွင် ပါဝင်နေသည်။ အဆောက်အဦးများကို အချိန်နှင့် ငွေသုံးကာ ပြန်တည်ဆောက်၍ ရသော်လည်း ထိုနေရာတွင် နေထိုင်မည့် လူများမရှိပါက မည်သို့ဖြစ်မည်နည်း။ မြို့အခွံကြီးသက်သက်သာ ဖြစ်နေပေလိမ့်မည်။ နောက်တစ်ချက်မှာ NPC များက လူသားများနှင့် မခြားနားကြောင်း ဂရစ်ခ်ထံမှ သင်ယူခဲ့ရသည် မဟုတ်ပါလား။

နောက်ဆုံးတော့ ဇက်နို့စ် သဘောတူလိုက်ရသည်။ “ ငါ သဘောပေါက်သွားပြီ။ တိုက်ကြတာပေါ့”

အစည်းအရုံးစကားပြောစာမျက်နှာတွင် ဂျီရှုက၏ အမိန့်စာ ပေါ်လာသည်။

{လူတိုင်း ပြန်စုကြ။ NPC တွေကို ကယ်ရင်းနဲ့ ရွာအလယ်ကို လာခဲ့ကြ}

“သွားကြတာပေါ့”

သုံးထပ်အဆောက်အဦး၏ ခေါင်မိုးထိပ်တွင်.... ဂျီရှုကသည် အမိန့်စာပြန်ပြီးသည်နှင့် ဗန်တာကို ကြည့်လိုက်၏။ သူက ဂျီရှုက၏ ကိုယ်ရံတော်သဖွယ် ပြုလုပ်နေပြီး သူမကို နောက်ဖေးလမ်းကြောင်းမှ ခေါ်ထုတ်ချင်နေသည်။ သူ(မ)သည် ရန်သူ၏ အမြင်များကို တတ်နိုင်သမျှ ရှောင်ပြီး စုဝေးမည့်နေရာသို့ သွားချင်နေ၏။

သို့သော် သူတို့ကို နဘဲရီယပ်စ်က သားကောင်အဖြစ် သတ်မှတ်ထားပြီးပြီ။ လမ်းကြားသို့ ဝင်တော့မည့်အချိန် နဘဲရီယပ်စ်က ပေါ်လာကာ လမ်းပိတ်လိုက်၏။

“ငါတို့ဘုရားကျောင်းရဲ့ စွမ်းအား အရမ်းအားနည်းသွားရတာက မင်းတို့တွေ မာလကတ်စ်ကို သတ်လိုက်လို့ဘဲ။ အက်အတွက် တာဝန်ယူဖို့ လိုတာပေါ့”

မီးခိုးရောင်ဆံပင်နှင့် အဘိုးကြီးက ပလွေကို အဆက်မပြတ် မှုတ်နေသည်။ သို့ရာတွင် သူက ရှင်းလင်းသော စကားသံဖြင့် ဆက်သွယ်ပြောဆိုနေနိုင်ဆဲပင်။

‘မာလကတ်စ်က သူနဲ့ ယှဉ်လို့တောင် မရဘူး’

အရပ် 150 စင်တီတောင် မရှိသည့် အဘိုးကြီးဆီမှ ထွက်လာသော ဖိအားကြောင့် ဂျီရှုကနှင့် ဗန်တာ နောက်ဆုတ်လိုက်ရသည်။ အစည်းအရုံးအဖွဲ့သားများကလည်း သူတို့နှစ်ယောက်ကို ကာကွယ်ပေးရန် လမ်းကြားဆီသို့ အပြေးလာနေကြသည်။

“ရတယ် ဒါကို ငါတို့နဲ့ပဲ ထားလိုက်”

“ဗန်တာ ခေါင်းဆောင်ကို ဂရုစိုက်ပေးပါ”

“ကျေးဇူးဘဲ”

လေးသည်တော်ဖြစ်သော ဂျီရှုကသည် ရန်သူနှင့် နီးကပ်နေသောအခါ သူ၏ စွမ်းအားကို မပြနိုင်ပေ။ ထို့ကြောင့် စက်ဒခအစည်းအရုံးက သူ(မ)ကို ကာကွယ်ရန် အမြဲတမ်း လုပ်နေကြရ၏။

“သွားကြစို့”

အစည်းအရုံးအဖွဲ့သားများက နဘဲရီယပ်စ်၏ လမ်းကို ပိတ်လိုက်ပြီး ဂျီရှုကနှင့် ဗန်တာကတော့ လမ်းတခြားဖက်ကို ဝင်သွားသည်။ သို့သော် သူတို့ စိတ်ပျက်သွားကြ၏။ ထိုလမ်းတွင် ပိတ်ရပ်နေသည့် အဆင့်မြင့်ယုံကြည်သူဆယ်ယောက် ရှိနေသည်။

“မသေချင်ရင် လမ်းဖယ်ကြစမ်း”

ဗန်တာက သူ့ခေါင်းဆောင်ကို ကာကွယ်ဖို့ လိုသည်။ ဒါကြောင့် သူက မရပ်တော့ဘဲ အဆိပ်မြူကြီးကို ဖြတ်ပြေးလိုက်၏။ သူ့ပုဆိန်နှစ်လက်ဖြင့် ယုံကြည်သူများကို ခြိမ်းခြောက်လိုက်သည်။ သူ ပြေးလာသည့် အရှိန်ကြောင့် ယုံကြည်သူများ တွန့်သွားကြသည်။ ဗန်တန်က ထိုအခွင့်အရေးကို အသုံးချကာ ဂျီရှုကကို ရှေ့က ဦးဆောင်လမ်းဖောက်ပေးလိုက်သည်။

သူတို့ ဦးတည်ရာကို ရောက်ဖို့ လိုသည်။ မြင့်သည့် နေရာများမှသာ ဂျီရှုကသည် အကျိုးအရှိဆုံးပစ်ချက်များကို ပစ်နိုင်မည် ဖြစ်သည်။ ဗန်တာက သူ့အသက်ကို စတေးရန်ပင် ဆုံးဖြတ်ပြီး ဂျီရှုကကို ပန်းတိုင်အရောက်ပို့ပေးရန် ဆုံးဖြတ်ထားသည်။ သို့သော် နောက်လိုက်များကလည်း ငြိမ်ငြိမ်ကလေးထိုင်၍ ကြည့်နေမည် မဟုတ်။ ဂျီရှုက လမ်းကြားမှ ထွက်သွားသည်နှင့် သူတို့ တရှိန်ထိုး လိုက်တော့သည်။

Jjejeong!

ဗာလက်၏ ခွန်အားကို အကြီးအကဲများ လျစ်လျူမရှုနိုင်ကြပေ။

“Kuk!”

အောက်လမ်းမှော်ပညာရှင်များကြားတွင် အနက်ရောင်စစ်သူရဲများလည်း ရှိနေပြီး သူတို့က ဝတ်ရုံများကို ဆွဲချွတ်လိုက်ကာ ဓားများကို ဆွဲထုတ်လိုက်ကြသည်။

ဗန်တာ ခုခံနေပါသော်လည်း သူ့အခြေအနေမှာ မကောင်းပေ။ သူက စောင့်ရှောက်စစ်သူရဲအမျိုးအစားဖြစ်သော်လည်း သူ့ပွိုင့်များကို ခွန်အားထဲသာ ထည့်ထားသည့်အတွက် ခုခံမှုပိုင်းတွင် အားအနည်းဆုံးဖြစ်သည်။ ချပ်ဝတ်ကလည်း မကောင်း။ သို့သော် သူ နောက်ဆုတ်၍ မရပေ။

“ချီးဘဲ.... ငါ ဆိုတာ ဘာကောင်လဲ သိလား။ Tank ဖျက်ဆီးသူဘဲကွ။ ခွေးသူတောင်းစားတွေ”

ဗန်တာက အနက်ရောင်စစ်သူရဲများကို တန်ပြန်တိုက်နေရင်း သူ့ခုခံမှုတိုးလာစေရန် ကာကွယ်သူစကေး သုံးလိုက်သည်။

Peeok! Peeok!

ကြီးမားလှသော ခွန်အား...

ပုဆိန်များက စစ်သူရဲများ၏ ဓားများကို စုတ်ပြတ်နေအောင် လုပ်ပစ်လိုက်သည်။ သို့သော် သူတို့အရေအတွက်က ၁၀ ယောက်ဖြစ်သည့်အတွက် မကြာခင်ပင် ဗန်တာမှာ အဝိုင်းခံလိုက်ရပြီး သွေးအလိမ်းလိမ်းဖြစ်လာသည်။

"Kuoh!”

အောက်လမ်းမှော်ဆရာများကလည်း စစ်သူရဲများ၏ နောက်တွင် ပုန်းနေကာ ကျိန်စာမှော်များကို အဆက်မပြတ်သုံးနေကြသည်။ ဗန်တာ အားလျော့သထက် လျော့လာပြီး မတ်တပ်ပင် အနိုင်နိုင်ရပ်နေရလေပြီ။ အောက်ဆုံးနားသို့ တဖြည်းဖြည်းကျနေသော သူ့အသက်ပွိုင့်ကို ကြည့်နေရင်း စိတ်ပူနေရသည်။

‘ဂျီရှုကကို ကာကွယ်ရမယ်’ သူ စိတ်ကိုပိုင်းဖြတ်လိုက်ပြီးနောက် သူ့သတ္တိက မိုးပေါ်ထိ ထောင်တက်သွားသည်။ သို့သော် သတ္တိတစ်ခုတည်းနှင့်ဖြင့် ဤအခက်အခဲကို မကျော်ဖြတ်နိုင်ပေ။ ‘ငါက အဆိုးရွားဆုံးဘဲ’

ဂျီရှုကမှာ အချိန်တိုင်း မြှားပစ်နေပါသော်လည်း ဗန်တာကတော့ ရုန်းမထွက်နိုင်ပေ။ သူမကလည်း အဆက်မပြတ်အတိုက်ခံနေရသည့်အတွက် ကောင်းကောင်းမကူညီနိုင်။ တစ်ပြိုင်နက်တည်းမှာပင် ဂျီရှုကနှင့် ဗန်တာတို့အတွက် အချိန်ဆွဲပေးနေရသည့် အစည်းအရုံးအဖွဲ့သားများကလည်း လမ်းကြောင်းထဲ၌ နဘဲရီယပ်စ်ကို ရင်ဆိုင်နေရာ၌ ဒုက္ခရောက်နေလေပြီ။

နဘဲရီယပ်စ်သာ စွမ်းအားကြီးမှော်ပညာကို သုံးလိုက်သည်နှင့် သူတို့သေသွားနိုင်ကိန်းရှိနေသည်။

“K-Kuack...!”

"ညစ်ပတ်တဲ့ ဒီအဘိုးကြီး...”

စက်ဒခအစည်းအရုံးက ပေါင်းစည်းထားသည့် အဆင့်သတ်မှတ်ချက်တွင် ထိပ်တန်း ၂၀၀ ဝင်သည့် မွန်းစတားများဖြင့် ဖွဲ့ထားခြင်း ဖြစ်သည်။ သို့သော် ထိုအင်အားက လေးယောက်မြောက်အစေခံ နဘဲရီယပ်စ်ကို ခြိမ်းခြောက်ရန် မလုံလောက်သေးပေ။

“သည်အောက်လမ်းမှော်စွမ်းအားက ဘယ်လောက်ကြီးလဲ သိကြလား။ မှော်အစွမ်းတွေအားလုံးနဲ့ ယှဉ်လို့ရတယ်။ တခြားအစွမ်းတွေဆို အောက်လမ်းမှော်ကြောင့် ပိုတောင် အဆင့်မြင့်သွားသေးတယ်”

နဘဲရီယပ်စ်က ကြင်နာစွာဖြင့် ရှင်းပြလိုက်ပြီး လျှပ်စီးကြောင်းကြီးကို ဆင့်ခေါ်လိုက်သည်။

Kwa kwa kwa kwang!

လမ်းကြောင်းက လမ်းကြောင်းမဟုတ်တော့။ အနီးနားက အဆောက်အဦးတွေ ဆက်တိုက်ပြိုကျနေသည်။ လျှပ်စီးကြောင်းကြောင့် ပြိုကျသွားခြင်း ဖြစ်သည်။

“မင်း”

သေသင့်နေပြီဖြစ်သည့် လူများက အသက်ရှင်နေသေးသောအခါ သူ့မျက်လုံးများ ပြူးကျယ်သွားသည်။ ထိုစဉ် ဖုန်မှုန့်ကြားထဲမှ အေးစက်သော အသံတစ်သံကို ကြားလိုက်ရသည်။

“ငါ မင်းကို သတ်ပစ်မယ်”

နံပါတ်တစ်လုပ်ကြံသတ်ဖြတ်သူ ပေါ်လာပြီ။ သူက အစည်းအရုံးအဖွဲ့သားများကို ကယ်လိုက်ပြီး နဘဲရီယပ်စ်နောက်သို့ ချက်ချင်း ရောက်သွားပြီးနောက် သူ့ဓားမြှောင်ကို လွှဲလိုက်သည်။ နဘဲရီယပ်စ်မှာ မာလကတ်စ်ကဲ့သို့ မှော်ပညာရှင်ဖြစ်သည့်အတွက် ရုပ်ပိုင်းဆိုင်ရာတိုက်ခိုက်မှုများကို ခုခံနိုင်စွမ်းနိမ့်သည်။ 

သို့သော် ဒဏ်ရာအပြင်းအထန် ရောက်မည်ကိုတော့ ရှောင်လိုက်နိုင်သည်။ ပုလွေသံ၏ နောက်ဆက်တွဲကြောင့် ဖြစ်၏။ ထိုအသံကြောင့် ဖိတ်ကာ၏ တိကျမှုက 60% ကျသွားသည်။

“ဟမ်....” နဘဲရီယပ်စ် သက်တောင့်သက်သာ မဖြစ်တော့ပေ။ လည်ပင်းရှိ ဒဏ်ရာကို ထိကြည့်လိုက်ပြီး မျက်မှောင်ကြုတ်လိုက်၏။ “မဆိုးဘူးပဲ”

“ခင်ဗျားလည်း တော်ပါတယ်”

ဖိတ်ကာ၏ နောက်တွင်တော့ သူ့သူငယ်ချင်းများ ရပ်နေသည်။ သူတို့က မွန်းစတားကောင်မလေး ယူဖီမီနာဆီတွင် ဘာမှပြန်မလုပ်နိုင်လောက်အောင် အဗျင်းခံလိုက်ရသော်လည်း ထိုကျရှုံးသွားပြီးနောက်တွင် ပိုကြိုးစားခဲ့ကြသည်။ သူတို့က ဖိတ်ကာဂရုဟုပင် နာမည်တွင်နေပြီ။

ဖိတ်ကာက အစည်းအရုံးစကားပြောစာမျက်နှာကို စာပို့လိုက်၏။

{ဖိတ်ကာဂရုပါ။ ငါတို့ နဘဲရီယပ်စ်ကို ရင်ဆိုင်နေရတယ်။ ငါတို့ကို သူ အာရုံစိုက်နေတုန်း သူ့မှော်ကို ချိတ်ပိတ်လိုက်ကြ}

“Kuk... အက်လိုလုပ်ဖို့က ခက်တယ်”

နံပါတ်တစ်ရှေးသူရဲကောင်း တိုဘန်။ သူသည်လည်း ရုန်းကန်နေရသည်။ ဗာလက်ကို သူ ထိန်းနေရသည်။ သို့သော်လည်း မီးများကြောင့် အဆက်မပြတ် အသက်ပွိုင့်ထိခိုက်နေရသည်။ ဗာလက်ကလည်း ဓားကျွမ်းကျင်ပြီး တိုဘန်ကို အစောကြီးကတည်းက တိုက်ခိုက်မှုများ လုပ်ပြီးပြီ ဖြစ်သည်။ သူက အစည်းအရုံးထဲတွင် ခုခံမှုအသန်မာဆုံးနှင့် အသက်ပွိုင့်အမြင့်ဆုံးဖြစ်သော်လည်း ယခုတော့ စကားပြောရန်ပင် အနိုင်နိုင်ဖြစ်နေ၏။

{တိုဘန်ပါ။ ဗာလက်က အရမ်းကြီး စွမ်းအားကြီးလွန်းနေတယ်။ ငါ ကြာကြာ မထိန်းနိုင်တော့ဘူး။ ရီဂတ်စ်နဲ့ ပွန်တို့ ဘယ်ရောက်နေကြတုန်း}

လေအယ်လာက တိုဘန်၏ စာကို မြင်လိုက်သည်နှင့် စိတ်ညစ်သွားသည့် မျက်နှာ ဖြစ်သွားသည်။ ရီဂတ်စ်ကလည်း တံတိုင်းပေါ်မှ ခုန်ချကာ တိုက်ပွဲကူနေရသည်။ ပွန်ကလည်း အနောက်ဂိတ်တွင် နောက်လိုက်များကို သုတ်သင်နေ၏။ တံတိုင်းပေါ်မှ မြင်ရသလောက် သူတို့အခြေအနေကလည်း မထူးခြားလှ။

လေအယ်လာ အခြေအနေကို ရှင်းပြလိုက်သည်။

{ယာတန်ကျောင်းက အကြီးပိုင်းတွေက ပွန်နဲ့ ရီဂတ်စ်ကို ပစ်မှတ်ထားနေကြတယ်။ ငါလဲ သူတို့ကို မှော်နဲ့ ကူညီပေးတာဘဲ။ ဒါပေမဲ့ ကြည့်ရတာ အက်ကနေ ရုန်းထွက်လာဖို့က ခက်ခဲလောက်တယ်} 

“ဒါ...”

တိုဘန် တုန်ယင်သွားသည်။ ဂရစ်ခ်သာ ရှိနေပါက မည်မျှကောင်းပါလိမ့်မည်နည်း။ သို့သော် ဤအတွေးမှာ အဓိပ္ပာယ်မရှိချေ။

{အာ... ငါ စုတ်ပျက်နေပြီ။ ဂျီရှုကကို ကာကွယ်ပေးနေရတာ မလွယ်ဘူးဟ။ ဂရစ်ခ်သာ ငါ့ချပ်ဝတ်ကို လုပ်ပေးခဲ့ရင်ကွာ... ချီးဘဲ}

သူ့အကန့်အသတ်သို့ ရောက်နေပီဖြစ်သဖြင့် ဗန်တာ စိတ်ဓာတ်ကျလာပြီ။ လုံးဝကို အကျပ်အတည်းထဲသို့ ရောက်နေပြီ။ သို့သော်လည်း စက်ဒခအစည်းအရုံးခွန်အားက ကြောက်မက်ဖွယ်ကောင်းပါသည်။

“ငါ ဒီနေရာက နောက်လိုက်တွေအကုန်လုံးကို တာဝန်ယူလိုက်မယ်။ ဘယ်လိုလဲ။ ငါတို့အကူအညီလိုနေပြီ မဟုတ်လား။ ဟားဟား... ထွီ... သည်နက်ဆိုးကောင်တွေ ဘယ်လောက်စွမ်းသလဲ ကြည့်ရတာပေါ့။ ရား...”

Toon အပါအဝင် အစည်းအရုံကို ဝင်လာသည့် လူသစ်သုံးယောက်က တိုဘန်ကို ကူညီပြီး နဘဲရီယပ်စ်ကို တိုက်ခိုက်ပေးနေသည်။ ဖိတ်ကာလည်း ယခုမှ အသက်ရှူနိုင်တော့သည်။

“ငါ လာပြီ”

ပြောလိုက်သူမှာ အိုင်ဘယ်လန်ဖြစ်၏။ အစည်းအရုံးမှ လူများက တကွဲတပြားဆီဖြစ်နေသဖြင့် သူက သူ့အင်အားကို ဖိတ်ကာတို့ ဂရုထဲ ဝင်ဖြည့်ပေးလိုက်သည်။ နဘဲရီယပ်စ်ကတော့ သူ မှော်သုံးမယ်လုပ်လိုက်တိုင်း အဖျက်ခံနေရသည်။ သို့သော် အခြေအနေကောင်းနေသည်မှာ ကြာကြာမခံ။

“ဟော ဟဲ....”

“ချီးဘဲ... အလုပ်မဖြစ်ဘူး”

“သည်လိုနတ်ဆိုးမျိုး ငါ တစ်ခါမှ ရင်မဆိုင်ဖူးဘူး”

"ဗာလက်ကတော့ ဗာလက်လို့ နာမည်ထွက်ဖို့ ထိုက်တန်တယ်။ ဒါပေမဲ့ နဘဲရီယပ်စ်က ပြဿနာအိုးဘဲ။ Debuff က သက်ရောက်မှုနယ်ပယ်ကျယ်နေပြီး သက်ရောက်မှု အားကောင်းလွန်းနေတယ်။ နိမ့်နေတဲ့ တိကျမှုနှုန်းဖြင့် ကောင်းကောင်း ငါ မတိုက်နိုင်ဘူး”

“ရှောင်တိမ်းနိုင်စွမ်းက 0% လုပ်ကြံသတ်ဖြတ်သူတွေရဲ့ အုတ်ဂူဘဲ..”

တိုက်ပွဲကြာလာသည်နှင့်အမျှ စက်ဒခအစည်းအရုံး၏ မျက်နှာများ ပို၍ မဲမှောင်လာသည်။ နဘဲရီယပ်စ်နဲ့ ဗာလက်နှစ်ဦးစလုံက သန်မာကြပါသော်လည်း နဘဲရီယပ်စ်က ဒုက္ခကောင်းကောင်းပေးနေသည်။ အဓိကဦးစားပေးရမည်မှာ သူ့ပုလွေသံကို ရပ်ဖို့ပင်။ လူတိုင်းအတွေးနေကြသည်။

『စက်ဒခအစည်းအရုံးက ကြိုးစားပြီးတော့ ရုန်းကန်နေကြပါတယ်။ ဒါပေမဲ့ သူတို့က ဒီအထိဘဲ သွားနိုင်တော့မယ်လို့ ထင်တယ် 』

ဘိုင်ရန်ရွာမှ တိုက်ပွဲကို တကမ္ဘာလုံးရှိ မီဒီယာများမှ ထုတ်လွှင့်ပြသနေပါသည်။ ဘိုင်ရန်ရွာတွင် ရောက်နေသော ကစားသမားများက အခြေအနေကို မှတ်တမ်းတင်ကာ အချိန်နှင့်တပြေးညီ အင်တာနက်ပေါ်တွင် တိုက်ရိုက်လွှင့်နေကြသည်။

『 ရီဂတ်စ်နဲ့ ပွန်တို့သာ တိုက်ပွဲကို ဝင်ကူနိုင်ရင် အခြေအနေက တိုးတက်နိုင်ပေမဲ့... ဗာလက်ရဲ့ passive skill နဲ့ လူ 60~70 လောက်က သူတို့နှစ်ယောက်ကို ပစ်မှတ်ထားနေတော့ ဘယ်တတ်နိုင်ပါတော့မလဲ』 

『ပြောရမယ်ဆိုရင် မာလကတ်စ်ဆိုတာက ယာတန်အစေခံတွေထဲမှာ အားအနည်းဆုံးလေ။ စက်ဒခအစည်းအရုံးက မာလကတ်စ်ကို နှိမ်နင်းနိုင်ခဲ့ပေမဲ့ ဒီသန်မာတဲ့ အစေခံနှစ်ယောက်နဲ့ကျ အလှမ်းဝေးလွန်းနေသေးတယ်။ ပေါင်းထားတဲ့ အဆင့်သတ်မှတ်ချက်က ထိပ်တန်း ၁၀ ယောက်သာ မကူညီရင် စက်ဒခအစည်းအရုံးတော့ ရှင်းပစ်ခံရတော့မှာ』

『စက်ဒခအစည်းအရုံးရဲ့ အဆုံးသတ်ကို ကြည့်နေရတာ တမျိုးကြီးဘဲ...』

『 ဒါပေမဲ့ သူတို့ ဒီလောက်ထိ ကြာကြာခံနိုင်တာကိုက အတော်လေး ချီးကျူးဖို့ ကောင်းနေပြီ။ သည်မြင်ကွင်းကို ကြည့်နေတဲ့ လူတိုင်းက စက်ဒခအစည်းအရုံးက အသန်မာဆုံးဆိုတာကို ဘယ်သူမှ ငြင်းနိုင်မယ်လို့ မထင်ပါဘူး။ သူတို့ကောင်းကောင်းတိုက်ခိုက်ခဲ့ကြပေမဲ့ အခြေအနေက အတော်ဆိုးနေတယ်.... ကံကောင်းပါစေ』

『ကျနော့်ရဲ့ အမြင်သက်သက်ပါ။ ဖိတ်ကာနဲ့ ဗန်တာတို့က တကယ်ကို အထင်ကြီးဖို့ ကောင်းတယ်ဗျ။ သူတို့ ကောင်းကောင်း တောင့်ခံနေကြတာဘဲ』

『ဗန်တာလား။ သူ့ပုဆိန်လွှဲနေပုံက လှလွန်းလို့ မင်း လှည့်စားခံလိုက်ရပီ။ ဗန်တာက မရင့်ကျက်သေးဘူး။ ကာကွယ်စစ်သူရဲဖြစ်တဲ့ သူက ခုခံမှုပိုင်းကို ဂရုမစိုက်ထားတော့ အခုလို ဒုက္ခရောက်နေရတာဘဲ။ အခုအချိန်မှာ အကောင်းဆုံးတိုက်ခိုက်နေတဲ့ လူတွေက ဖိတ်ကာ, အိုင်ဘယ်လန်, ပွန်နဲ့ ရီဂတ်စ်တို့ဘဲ』

『လေအယ်လာနဲ့ ဇက်နို့စ်တို့ကိုကျ ဘာလို့ထည့်မပြောတာတုန်း』

တိုက်ပွဲနှင့် ပတ်သတ်ပြီး ကျွမ်းကျင်သူများက မကောင်းသည့် ထင်မြင်ချက်များ ပေးနေကြချိန်တွင်...

『အမ်.. ခဏနေအုံး။ အက်တာက ဘယ်သူကြီးလဲ』

ဖန်သားပြင်ပေါ်တွင် မျက်နှာနှင့် ID ကို ဖုံးအုပ်ထားသော လူတစ်ယောက် ပေါ်လာသည်။

『သူက ပျံသန်းမှော်ကို သုံးနေတာဘဲ။ မှော်ပညာရှင်တစ်ယောက်ဘဲ...』

ဟုတ်တယ်။ လူတစ်ယောက်က လေပေါ်မှာ ပျံနေတယ်။ ပြီးတော့ သူ သိုလှောင်စာမျက်နှာကို ဖွင့်လိုက်ပြီ။ တစ်ခုခု နှိုက်နေတယ်။ သူ အနက်ရောင်ချပ်ဝတ်တစ်ခုကို ဆွဲထုတ်လိုက်တာဘဲ။ ဗန်တာဆီ ပစ်ပေးလိုက်ပြီ။

“...!!”

ဗန်တာက ကောင်းကင်ပေါ်က လူကို တစ်ခုခု အော်ပြောနေတယ်ဗျ။ သူ့ပုံစံက ဒေါသထွက်နေပုံဘဲ။ အယ်... ချပ်ဝတ်လည်း ရရော ပြုံးပြုံးကြီး ဖြစ်သွားပြန်ပြီ။ နေကြအုံး... ဗန်တာက ချပ်ဝတ်ကို ဝတ်လိုက်ပြီး သူ့အရောင်အဝါက တိုးတက်လာတယ်လို့ မထင်ကြဘူးလား...

သူ့ပုံစံမှာ အသက်ပြန်ရှင်လာသည့်ဟန်ဖြစ်ပြီး ယာတန်အကြီးပိုင်းများကို အပြင်းအထန် တိုက်ခိုက်လာနိုင်သည်။ အစီအစဉ်တင်ဆက်သူများနှင့် ကျွမ်းကျင်သူများ မှင်သက်သွားကြသည်။

『အက်ချပ်ဝတ်က... 』

ဆန်းကြယ်တဲ့ လူတစ်ယောက်က ရုတ်တရက် ပေါ်လာပြီး ဗန်တာကို ချပ်ဝတ်တစ်ခု ပေးလိုက်ပါတယ်။ အက်လူနဲ့ ဗန်တာကြားက ဆက်ဆံရေးက ဘာများဖြစ်မလဲ။ အက်ချပ်ဝတ်ရဲ့ သရုပ်မှန်ကကော။ အခုအချိန်မှာ အားလုံးက အက်လူရဲ့ သရုပ်မှန်ကို သိချင်နေကြပါပြီ။

အက်လူဟာ အနက်ရောင်ဓားရှည်ကြီးတစ်ခုကို ဆွဲထုတ်လာတယ်။

“...!!”

အက်လူက စက်ဒခအစည်းအရုံးအဖွဲ့သားတွေကို တစ်ခုခု အော်ပြောလိုက်ပုံ ရပါတယ်။ သူ့လက်က ဓားကြီးကို မြေပေါ်က တစ်ယောက်ကို ပစ်ပေးလိုက်ပြီဗျ။ မြေပြင်က တစ်ယောက်က ဓားရှည်ကြီးရပြီးရော သူ့စွမ်းအားက အရင်ကထက် ပိုအားကောင်းလာတယ်။ သူက ဗာလက်ကို ကြောက်စရာကောင်းလောက်အောင် ပြန်တိုက်နေပြီ။

ကျွမ်းကျင်သူများထဲမှ တစ်ယောက်က အလင်းရသွားပုံ ရသည်။

『အာ.... အက်ဓားကို ငါ သိတယ်။ ဘီလူးအစည်းအရုံးဝင်တွေကို ရှင်းပစ်လိုက်တဲ့ လူ သုံးတဲ့ လက်နက် မဟုတ်လား...』

အစီအစဉ်တင်ဆက်သူကလည်း စကားဝင်ပြောသည်။

『ဟုတ်တယ်။ ရင်းနှီးပါတယ်လို့ ထင်နေတာ။ အက်ဓားဘဲ..』

『 မဖြစ်နိုင်ဘူး။ ဒါဆို အက်လူက...』

ကောင်းကင်ပေါ်က လူ... လူတိုင်းက သူ့သရုပ်မှန်ကို သိရှိသွားပြီးနောက် အံ့အားသင့်သွားကြသည်။

ပြီးနောက်....

ထိုလူက သူ့အိုင်တမ်များကို တပ်ဆင်လိုက်သည်။ သူက လှပသည့် အဖြူရောင်ချပ်ဝတ်ကို ဝတ်ဆင်လိုက်ပြီးနောက် သာမန်ဝတ်ရုံတစ်ခုကို အပေါ်တွင် ထပ်ဝတ်လိုက်၏။

ထို့နောက်...

နဘဲရီယပ်စ်၊ ဗာလက်နှင့် ယာတန်ကိုးကွယ်သူများဟာ မတိုင်ပင်ထားဘဲ အက်လူကို တစ်ချိန်တည်းကြည့်မိကြသည်။

『ဟမ်... သူတို့ ဘာဖြစ်နေကြတာတုန်း။ အက်လူကိုဘဲ အာရုံစိုက်ထားကြတယ်』

『 အက်ဝတ်ရုံမှာ ထူးခြားတဲ့ သက်ရောက်မှုများ ရှိနေသလား။ ဒါပေမဲ့ သူက တစ်ယောက်တည်းလေ။ သူတို့အားလုံးကို ဘယ်လိုရင်ဆိုင်နိုင်မှာလဲ...』

အစီအစဉ်တင်ဆက်သူ၊ ကျွမ်းကျင်သူ၊ စက်ဒခအစည်းအရုံးဝင်များနှင့် ထိုနေရာရှိ ကစားသမားများအားလုံး။ တကမ္ဘာလုံးက စောင့်ကြည့်နေကြသည့် ကြည့်ရှုသူများက ထိုလူကိုသာ အာရုံစိုက်ထားကြသည်။

ဝှစ်

ထိုလူက သူ့ကို သန်းချီသည့် လူများက ကြည့်နေသည်ကို သိပါရဲ့လား။ သူ့လက်က တစ်ခုခုကို နှိုက်နေပုံရသည်။ သူက အပြာရောင်အလင်းရှိသည့် တစ်ခုခုကို ဆွဲထုတ်လာ၏။

『ငမန်းလား』

ဟုတ်ပါသည်။ ငမန်းပုံစံ ဖြစ်သည်။ သူက သူ့သိုလှောင်ခန်းထဲမှ ငမန်းပုံစံ ဓားရှည်ကြီးကို ဆွဲထုတ်လာ၏။ ထို့နောက် တကမ္ဘာလုံးက ကြည့်ရှုနေသည့်အချိန်တွင် တုန်လှုပ်စရာ ကောင်းသော နာမည်ပါသည့် စကေးတစ်ခုကို အော်ပြောလိုက်သည်။

“ပက်မာရဲ့ ဓားသိုင်းအက ကျော်လွန်လင့်ခ်”

『ပက်မာလား... သူ ပက်မာလို့ ပြောလိုက်တယ် မလား』

တကမ္ဘာလုံး ပေါက်ကွဲသွားကြပြီ။ အစီအစဉ်တင်ဆက်သူများနှင့် ကျွမ်းကျင်သူများက တုန်လှုပ်စွာဖြင့် အပြာရောင်အလင်းဖြင့် တလက်လက်တောက်ပနေသော ဖန်သားပြင်ကို ကြည့်နေကြ၏။